TEDxAstana – идеяның күшіне сенетіндер кездесетін жер.

Өтініште таныс есімді көргенде, командамызбен бірігіп қатты қуанамыз, және жаңа қатысушылардың қатарға қосылуы – естен кетпес жылы кездесуден үміт арттырады. TEDx форматын жақсы көретін біз, еріктілер тобы идеялардың өмірімізге қалай жарық беретінін және біз бен сізді өзгертетінін көру үшін, жыл сайын осы бір ұзақ процесстен тұратын дайындықты қолға алуға бел байлаймыз.

Сосын әр тыңдарман осы идеяның сәулесін өзімен бірге таратып, күшін еселететініне сенеміз.

TEDXASTANA 2021
SUPERNOVA

Supernova – биылғы TEDxAstana тақырыбы – Жап-жаңа жұлдыз, жаңа парадигма. Дәл осы Жап-жаңалардың арқасында әлем, күллі ғалам және әр галактика эволюцияға ұшырайды. Егер біз осы метафораға бойласақ, ғалам – ол адам, ал супернова – бұл өз ойымызды, көнерген түсінікті, стереотипті, біреуден күткенімізді өзгертуге көмектесетін идеялар.

Спикерлеріміздің идеясы кез келген үлкен бастаманы алыстағы жарықтың ұшқынымен, ғарыш сәулесімен, ғаламның отшашуымен салыстырғанмен бірдей. Жаңа жұлдыздар еркімізден тыс туса да, олардың бізге әсерін, жаңалығын, маңызын сезіну санамыздың оларды қабылдауға қаншалықты дайын екеніне байланысты.

Аталған тақырыпты мәлімдей отырып, әрине біз сіздерге жап-жаңа жұлдыздарды табуға, ұсынуға ұмтыламыз. Идеясы мен жобасы бірегей спикерлер. Бізге жаңа ғаламды ашуға дайын зерттеушілер. Баршаға мәлім дүниеге өзгеше қарайтын көріпкелдер. Көптен бері паш еткіміз келген сарапшылар.

Бізбен бірге осы бір қызық тәжірибеге – идеялар әлеміне бой ұрып, өз ойыңыздың астаң-кестеңін шығаруға және жаңа жұлдызды жағуға шақырамыз. Кім біледі, бәлкім ол жаңа жұлдыз Сіз шығарсыз?

Сонымен, қанша жұлдызды бірге жағамыз?

TEDxAstana командасы

Өздеріңізді осы форумда, ұстанымына сай идеяның күшіне сенетіндердің кездесуіне арналған алаңда көргеніме қуаныштымын. Жыл өткен сайын тілектес жандардың саны артып жатқанына және қуанамын. Неге десеңіз, TEDxAstana – бұл шынымен де әрқайсымыздың көзқарасымызды өзгертетін шабыт беруші идеялар айтылатын бірегей алаң. Ол ойлардың күші мен қуаты ерекше келеді де жаңа білімге, жаңа асқақ талпынысқа итермелейді. Бағалы тәжірибемен бөлісіп, үнемі тың идея іздеу – интеллектуалдық TEDxAstana платформасын дара ететіні де осы. Және осы ерекшеліктер компаниямыз «Қазақтелеком» АҚ ұстанымымен ұштасады.

Қазір біз дәстүрлі бизнесімізді трансформациялап, дамудың жаңа жолын қарап жатырмыз, сондықтан телекоммуникация нарығының кез келген мүшесі сияқты «Қазақтелеком» үшін де TEDxAstana-ның бүгінгі «Supernova» (Жап-жаңа жұлдыз) тақырыбы аса өзекті болып табылады. Конференцияны ұйымдастырушылар бірегей идеясы мен жобасы бар жап-жаңа жұлдыздарды табуды көздейді, «Қазақтелеком» да осы бағытта жұмыс істеп жатыр, осы ортақ ізденістегі айырмашылығымыз тек салалық ерекшелікте. Біз сондай-ақ кез келген озық тәжірибені зерттеп, өз жобамызда қолдануға, насихаттауға дайынбыз, сондықтан TEDxAstana-мен тілегіміз бір және ол бізге арналған деуге болады.

Цифрлық дамуы тоқтамайтын және озық технология зымыраған бүгінгі заманда аталған саладағы ұсыныстар мен идеялар ерекше мағынаға ие, айрықша айтылады. Жедел байланыс арналары, жаңа қызметтер, ТВ-платформалар пайда болғалы мыңдаған адамның жұмысы жеңілдеді, бизнестің дамуына кәдімгідей серпін берді және қазақстандықтардың бос уақытын түрлендіріп, жарқыратты. Алайда адам өмірін жақсартуды мақсат тұтқан осы үдеріс кідірмей, күнде-күнде алға қарай адымдап отыру үшін, цифрлық әлемге өз жұлдыздары – Digital саласына тиімді шешім ұсынуға дайын Supernova керек.

Биылғы біздің TEDxAstana аясындағы серіктестігіміз «Қазақтелеком» АҚ тиесілі «TV+» жобасының дамуының тағы бір кезеңі болып табылады. Оның негізінде дәл осындай цифрлық шешімдер жатыр. Атап айтсақ, интерактивтік теледидар қызметі сүйікті телеарнаны эфирден, теледидарлық бағдарламаларды мұрағатта, фильмдер мен сериалдарды бір парақша арқылы әртүрлі құрылғымен Ғаламтор бар кез келген жерде және қалаған уақытта тамашалауға мүмкіндік береді. «TV+» жобасы 4K, Full HD және SD сапасында 170 ТВ-арнасын, жазылым бойынша жарнамасыз фильмдер, сериалдар мен мультфильмдер көруге мүмкіндік береді.

«TV+» дегеніміз бұл және экраны бар заманауи құрылғыларға (смартфондар мен планшеттер (iOS пен Android), SmartTV және Android TV қызметі бар теледидарлар, ЖК және ноутбуктар, теледидарға қосылған телевизиялық тіркемелер (STB)) арналған мультитілдік қосымша. Кез келген ғаламтор бар жерде қол жететін «Теледидар қалтада» – қазақстандық мамандар ойластырып, әзірлеген платформасының басты артықшылығы – оны жұмысқа бара жатқанда, демалыста серуендеген кезде тамашалауға болады.

Сондай-ақ жаңа платформаны бір аккаунт арқылы бірнеше құрылғыда қолдануға болады: айталық, абонент үйден шықса, картинаны теледидардан смартфонға «лақтыра» алады да, сүйікті бағдарламаны үзбей көреді. «TV+» қосымшасын App Store немесе Play Market арқылы жүктеп, таралымды тоқтата тұру, айналдырып жіберу мүмкіндігімен және платформада бір апта сақталатын телебағдарламалардың көмегімен өз теледидарыңның кестесін құра аласың. Мұндай шешімдер TEDxAstana2021 конференциясының даму идеясымен және жалпы философиясымен ұштасатыны сөзсіз. «Қазақтелеком» бұл өнімнің алдағы уақытта жақсара түскенін, және ең озық идеялар қолданылатын басқа да осындай платформалар мен қосымшаларды әзірлеуді көздейді. Кім біледі, бәлкім осындай идеяларды біз биылғы TEDxAstana алаңынан іліп әкетуіміз де мүмкін. Біз ойымыз бір жерден шыққан тілектес бір команда мүшесі болғанымызға қуаныштымыз. Әрқайсыңыз бұл конференциядан құнды идея мен пайдалы білім алып, батыл әрі қоғамға қажетті жобаларға ынталанатындарыңызға сенімдімін.



Құрметпен,
«Қазақтелеком» АҚ Басқарма Төрағасы
Қуанышбек Есекеев